राजविराज । मधेस राजनीतिको हटसिट मानिने सप्तरी निर्वाचन क्षेत्र नम्बर २ मा राष्ट्रिय स्वतन्त्र पार्टी (रास्वपा) ले सुरुवाती मतगणनामै तहल्का मच्चाएको छ। रास्वपाका उम्मेदवार रामजी यादवले जनमत पार्टीका अध्यक्ष चन्द्रकान्त (सीके) राउतलाई झण्डै दोब्बर मतान्तरले पछाडि पार्दै फराकिलो अग्रता लिनुभएको छ।
ताजा मतगणना अपडेट:
प्रारम्भिक चरणको गणना अनुसार मुख्य उम्मेदवारहरूको मत स्थिति यस प्रकार छ:
-
रामजी यादव (रास्वपा): १,६९८ मत (अग्र स्थानमा)
-
सीके राउत (जनमत पार्टी): ८२२ मत
-
उमेस कुमार यादव (जसपा नेपाल): ७७४ मत
-
रामकुमार यादव (नेपाली कांग्रेस): ८० मत
-
सतिश कुमार सिंह (स्वामिमान पार्टी): ७९ मत
चर्चामा रहेका अनुहार निकै पछाडि
यस क्षेत्रका निवर्तमान सांसद समेत रहनुभएका जनमत पार्टीका अध्यक्ष सीके राउत सुरुवाती रुझानमा निकै पछाडि देखिनुभएको छ। उता, जनमत पार्टी छाडेर आफ्नै नेतृत्वमा स्वामिमान पार्टी गठन गरेका मधेश प्रदेशका पूर्वमुख्यमन्त्री सतिश कुमार सिंहको अवस्था झनै कमजोर देखिएको छ, उहाँले जम्मा ७९ मत मात्र प्राप्त गर्नुभएको छ।
जसपा नेपालका उमेस कुमार यादव ७७४ मतका साथ तेस्रो स्थानमा रहेर मुख्य त्रिपक्षीय प्रतिस्पर्धालाई कायम राख्ने प्रयास गरिरहनुभएको छ।
अन्य उम्मेदवारको मत विवरण:
सूर्यनाथ प्रसाद यादव (नेपाली कम्युनिस्ट पार्टी): २४ मत
अजयकुमार दास (राप्रपा): २१ मत
मोहम्मद जियाउल रहमान (नेकपा एमाले): २० मत
सप्तरी-२ मा देखिएको यो सुरुवाती नतिजाले मधेसको राजनीतिमा नयाँ शक्ति र पुराना स्थापित दलहरूबीचको कडा टक्करलाई प्रतिबिम्बित गरेको छ। अहिले मतगणना जारी छ र थप परिणामहरू आउने क्रममा छन्।
प्रतिक्रिया!!
सम्बन्धित खबर
